13.07.2010 / Vana & The Oh So Serious:  as die sirkus jou uitskop, begin ’n folk band!

Jannike Bergh

Vana & The Oh So SeriousVana is ‘n folk-musikant wat saam met The Oh So Serious, ‘n goeie handvol troebadoere, deesdae verhoë (meestal verhogies) in kroeë aan die brand speel.

Die konsep is ‘n voortsetting van Green Acre, Vana se vorige projek. The Oh So Serious is 'n groep jong musikante wat met ‘n speelse aanslag die folk-tradisie van Woodie Guthrie en kie ontgin.

Vana sing en tokkel die kitaar; Christl Weinbeck sing, slaan die tamboeryn en skink die tee; Wynand Davel speel slapende honde wakker met sy viool; Friso Woudstra speel leadkitaar wanneer hy nie die banjo speel nie; Schulie van Heerden speel die mandolien; Pierre van Staden blaas die mondfluitjie; Anthony Koopman staan agter die kontrabas; en Hugo Radyn sit agter die tromme (of bo-op so ‘n boks-kontrepsie tydens hulle meer minimalistiese optredes). Somtyds is daar minder van hulle, somtyds meer. Die enigste reël is waarskynlik dat Vana ten minste daar moet wees.

Die groep is soos ‘n travelling circus, altyd vol geesdrif, magic en toertjies. Die…

keep reading Vana & The Oh So Serious:  as…